Bolbena

Lo duò Bolbena - coma la tèrra argelosa presada dels ceramistas que ne tira lo seu nom - s’es format a broa de Tarn, del rencontre entre Myriam Jourdane e Maxime Juniet. Musicas e cants de transmission orala d’aicí e d’endacòm mai son revisitats e enriquits de composicions pròprias dins lor repertòri a dançar.

Amb una instrumentacion variada, lo duò faiçona un univèrs sonòr calorós e alegre, mesclant finesa melodica e energia ritmica.

Portats per l’enveja de far viure la dança e de partejar un moment festiu, los dos artistas explòran las tradicions en las tornant inventar de còps. Lor complicitat musicala nos convida a un viatge vibrant entre tradicions d’ièr e danças d’uèi.

Escotar d’extraches

Video

Musicals

El Cant dels ocells

Mazurka de Sant Andiòu

Qual sèm ?

Myriam Jourdane

Violon, guitarra, banjo, votz

Fòto de Myriam Jourdane

Musiciana polivalenta, Myriam a agut una carrièra artistica eclectica que l'a menada a las musicas tradicionalas per dançar. Multiinstrumentista, Myriam es totjorn estada curiosa d'explorar de sons novèls, particularament al mejan de sas composicions. Sas activitats regularas de pedagòga amb d'enfants e d'adultes enriquisson aquel partage musical. Dirigís actualament la corala occitana de La Vaur.

Maxime Juniet

Votz, acordeon, requinto

Fòto de Maxime Juniet

Inspirat dempuèi l’adolescéncia per las musicas popularas de dançar e de tradicion orala, Maxime Juniet es ara musician al sen de Bolbena. Son jòc aspira a ramosar energia e sensibilitat, en botar en exèrgue la lenga occitana, qu'ensenha d’autra part, e sas sonoritats unencas. Amb sa musica, vos convida a la dança e al partatge, en fasent tremolar los postams al ritme de las tradicions revisitadas.

Nòstras datas de concèrt

2024

2025

Galariá de fòtos